Դիսմորֆոֆոբիա՝ սխալ ընկալման հիվանդություն

Մարդիկ, ովքեր տառապում են դիսմորֆոֆոբիա կամ BDD կոչվող խանգարումով, որն  ուղեկցվում է  շրջապատող միջավայրի սխալ ընկալմամբ, շատ հաճախ գտնվում են հոգեկան խանգարման վիճակում:

Բոլոր օբյեկտները և առարկաները նրանց տգեղ են թվում: Համաձայն հետազոտողների՝ այս հիվանդությունը տեսողության օրգանի հետ կապ չունի և գլխուղեղի սխալ աշխատանքի հետևանք է:

Հետազոտության հեղինակ Ջեյմի Ֆեուսները, ով հոգեբուժության ֆակուլտետի ավագ դասախող է, և նրա գործընկերները հայտնաբերել են, որ դիսմորֆոֆոբիայով հիվանդների մոտ գլխուղեղի ակտիվությունը համեմատաբար նվազ է, ըստ որի ուղեղը տեսողական տարրեր է մշակում  այնպես, որ արդյունքում ստացվում է «մեծ նկար», անկախ նրանից այն առանձին դեմք է, թե օբյեկտ: Տեսողական տվյալների նման ոչ լիարժեք մշակումն էլ տալիս է ամենատարօրինակ նկարներ, որոնք շատ հաճախ տգեղ են և տհաճ: Այս հիվանդությամբ մարդիկ  հակված են իրենց ուշադրությունը կենտրոնացնել տեսածի մանրամասների վրա, այդ իսկ պատճառով չեն կարողանում պատկերն ամբողջական տեսնել: Նման հիվանդության արդյունքը կարող է բերել ընդհուպ ինքնասպանության: Այս պահին գիտնականներն ուղեղի վրա ազդելու միջոցներ են փնտրում` բուժելու հիվանդությունը:

Հարցեր, պատասխաններ, մեկնաբանություններ